ടെറസിലെ പച്ചക്കറി കൃഷിയിൽ വിജയഗാഥ രചിച്ച് മുകേഷ്

ന​ന്മ​ണ്ട: മി​ക​ച്ച ടെ​റ​സ് കൃ​ഷി​ക്കു​ള്ള ന​ന്മ​ണ്ട കൃ​ഷി​ഭ​വ​ൻ അ​വാ​ർ​ഡ് നേ​ടി​യ മു​കേ​ഷ് പു​ളി​യ​ന​ക്ക​ണ്ടി കൃ​ഷി​യു​ടെ ബാ​ല​പാ​ഠം അ​ഭ്യ​സി​ക്കു​ന്ന​ത് മ​ല​യോ​ര​മേ​ഖ​ല​യാ​യ കൂ​രാ​ച്ചു​ണ്ടി​ൽ​നി​ന്നാ​ണ്. സ്നേ​ഹ​ഗ്രാ​മം റെ​സി​ഡ​ൻ​സി​ലു​ള്ള​വ​രെ​ല്ലാം ഓ​ണ​മാ​യാ​ലും വി​ഷു​വാ​യാ​ലും പെ​രു​ന്നാ​ളാ​യാ​ലും മു​കേ​ഷി​ന്റെ ജൈ​വ പ​ച്ച​ക്ക​റി വി​ഭ​വ​ങ്ങ​ളെ​യാ​ണ് ആ​ശ്ര​യി​ക്കാ​റ്.

കൃ​ഷി ആ​രം​ഭി​ച്ചി​ട്ട് നാ​ലു വ​ർ​ഷ​ത്തോ​ള​മാ​യി. ടെ​റ​സി​ലെ കൃ​ഷി​ക്ക് പ​ല​പ്പോ​ഴും സ്ഥ​ല​പ​രി​മി​തി​യാ​ണ് പ്ര​ശ്നം. സൂ​ര്യ​പ്ര​കാ​ശ​വും പ്ര​ധാ​ന​മാ​ണ്. വെ​ള്ള​രി​പോ​ലു​ള്ള കൃ​ഷി​ക​ൾ​ക്ക് ചു​രു​ങ്ങി​യ​ത് എ​ട്ടു മ​ണി​ക്കൂ​ർ സൂ​ര്യ​പ്ര​കാ​ശം ല​ഭി​ക്ക​ണം. ഇ​ല​വ​ർ​ഗ കൃ​ഷി​ക​ൾ​ക്കാ​വ​ട്ടെ നാ​ലു മ​ണി​ക്കൂ​ർ തൊ​ട്ട് ആ​റ് മ​ണി​ക്കൂ​ർ വ​രെ​യും ശീ​ത​കാ​ല പ​ച്ച​ക്ക​റി​ക​ളാ​യ കോ​ളി​ഫ്ല​വ​ർ, കാ​ബേ​ജ് എ​ന്നി​വ​ക്ക് ആ​റ് മ​ണി​ക്കൂ​ർ സൂ​ര്യ​പ്ര​കാ​ശം കി​ട്ട​ണം.

കോ​ളി ഫ്ല​വ​ർ, കാ​ബേ​ജ്, വി​വി​ധ​യി​നം പ​ച്ച​ക്ക​റി​ക​ളാ​യ പ​യ​ർ, വെ​ണ്ട, ത​ക്കാ​ളി, വ​ഴു​ത​ന, ചീ​ര എ​ന്നി​വ കൂ​ടാ​തെ ക​റ്റാ​ർ​വാ​ഴ, കു​റ്റി​ക്കു​രു​മു​ള​ക് എ​ന്നി​വ​യും കൃ​ഷി ചെ​യ്യു​ന്നു. സി.​പി.​എം ക​രു​ണാ​റാം ബ്രാ​ഞ്ച് സെ​ക്ര​ട്ട​റി കൂ​ടി​യാ​യ മു​കേ​ഷ് പൊ​തു​പ്ര​വ​ർ​ത്ത​ന​ത്തി​നി​ട​യി​ലും കൃ​ഷി ത​പ​സ്യ​യാ​ക്കി മാ​റ്റു​ക​യാ​ണ്.