കാക്കിക്കുള്ളിലെ കർഷകന്റെ തോട്ടം പഴങ്ങളുടെ പറുദീസ

ഇ​രി​ട്ടി: കാ​ക്കി​ക്കു​ള്ളി​ൽ മാ​ത്ര​മ​ല്ല, ത​നി​ക്ക് കൃ​ഷി​യി​ലും ത​ന്റേ​താ​യ ഇ​ട​മു​ണ്ടെ​ന്ന് തെ​ളി​യി​ച്ചി​രി​ക്കു​ക​യാ​ണ് ക​ണ്ണൂ​ർ ക്രൈം​ബ്രാ​ഞ്ച് എ​സ്.​ഐ റാ​ഫി അ​ഹ​മ്മ​ദ്. വി​ദേ​ശ​യി​നം പ​ഴ​ങ്ങ​ളു​ടെ പ​റു​ദീ​സ​യാ​ണ് മു​ഴ​ക്കു​ന്ന് പ​ഞ്ചാ​യ​ത്തി​ൽ വി​ള​ക്കോ​ട് പാ​റ​ക്ക​ണ്ട​ത്തെ അ​ദ്ദേ​ഹ​ത്തി​ന്റെ വീ​ടി​നു​സ​മീ​പ​ത്തെ ഒ​രേ​ക്ക​ർ കൃ​ഷി​യി​ടം. അ​വി​ടെ​യി​ല്ലാ​ത്ത ഫ​ല​ങ്ങ​ൾ ഒ​ന്നു​മി​ല്ലെ​ന്നു​ത​ന്നെ പ​റ​യാം.

മ​ല​യോ​ര​ത്ത് കേ​ട്ടു​കേ​ൾ​വി പോ​ലു​മി​ല്ലാ​ത്ത നി​ര​വ​ധി വി​ദേ​ശ​യി​നം പ​ഴ​ങ്ങ​ളു​ടെ ക​ല​വ​റ​യാ​ണ് റാ​ഫി അ​ഹ​മ്മ​ദി​ന്റെ കൃ​ഷി​യി​ടം. ഡ്രാ​ഗ​ൺ ഫ്രൂ​ട്ട്, ലോ​ഗ​ൻ, മ​ട്ടോ​വ, പു​ലാ​സാ​ൻ, അ​വ​ക്കാ​ടോ, കു​രു ഇ​ല്ലാ​ത്ത​തും പ​ശ ഇ​ല്ലാ​ത്ത​തു​മാ​യ ച​ക്ക​ക​ൾ, സ്ട്രോ​ബ​റി, വി​ദേ​ശ​യി​നം പേ​ര, മു​സ​മ്പി, ഓ​റ​ഞ്ച്, കു​രു​വി​ല്ലാ​ത്ത നാ​ര​ങ്ങ, സ്റ്റാ​ർ ഫ്രൂ​ട്ട് തു​ട​ങ്ങി നി​ര​വ​ധി പ​ഴ​ങ്ങ​ളാ​ണ് ഇ​ദ്ദേ​ഹം കൃ​ഷി ചെ​യ്യു​ന്ന​ത്. പ​ര​മ്പ​രാ​ഗ​ത​മാ​യി കൃ​ഷി ചെ​യ്യു​ന്നു​ണ്ടെ​ങ്കി​ലും ലോ​ക് ഡൗ​ൺ കാ​ല​ത്താ​ണ് പ​രീ​ക്ഷ​ണാ​ടി​സ്ഥാ​ന​ത്തി​ൽ പ​ഴ​ങ്ങ​ളു​ടെ കൃ​ഷി ആ​രം​ഭി​ച്ച​ത്. ഇ​ന്ന് റം​ബൂ​ട്ടാ​നും ഡ്രാ​ഗ​ൺ ഫ്രൂ​ട്ടും വി​ള​വെ​ടു​പ്പി​ന് പാ​ക​മാ​യി​ക്ക​ഴി​ഞ്ഞു.

ജോ​ലി ക​ഴി​ഞ്ഞു​ള്ള ഒ​ഴി​വു​വേ​ള​ക​ളി​ലാ​ണ് കൃ​ഷി പ​രി​പാ​ല​നം. മു​ഴു​സ​മ​യ കൃ​ഷി​പ​രി​പാ​ല​ന​ത്തി​ന് ഭാ​ര്യ റൈ​ഹാ​ന​ത്തും ഉ​മ്മ സൈ​ന​ബ ബീ​വി​യും ഒ​പ്പ​മു​ണ്ട്. തി​ക​ച്ചും ജൈ​വ​രീ​തി​യി​ലാ​ണ് റാ​ഫി അ​ഹ​മ്മ​ദി​ന്റെ കൃ​ഷി. ര​ണ്ടു​വ​ർ​ഷ​മാ​യി ന​ട്ടു​പ​രി​പാ​ലി​ക്കു​ന്ന തോ​ട്ട​ത്തി​ൽ ആ​ദ്യ വി​ള​വെ​ടു​പ്പി​നൊ​രു​ങ്ങു​ക​യാ​ണ് ഈ ​പൊ​ലീ​സു​കാ​ര​ൻ. ഓ​രോ പ​ഴ​ത്തി​നും പ്ര​തീ​ക്ഷി​ക്കാ​ത്ത വി​ള​വ് ല​ഭി​ച്ച​തി​ന്റെ സ​ന്തോ​ഷ​ത്തി​ലാ​ണ് ഇ​വ​ർ. കൃ​ഷി​ഭ​വ​നി​ൽ നി​ന്നും മി​ക​ച്ച പി​ന്തു​ണ​യാ​ണ് ല​ഭി​ക്കു​ന്ന​തെ​ന്നും റാ​ഫി അ​ഹ​മ്മ​ദ് പ​റ​ഞ്ഞു.