കാമറൂണിലെ മലയാളിയുടെ തോട്ടങ്ങളിൽ ഇനി കാഷ്യൂ കിങ് വിളയും

കേ​ള​കം: ജി​ജു​വി​ന്റെ ഗ്രാ​ഫ്റ്റ് ഇ​നം ക​ശു​മാ​വ് കാ​ഷ്യൂ കി​ങ് ക​ട​ൽ ക​ട​ന്ന് ആ​ഫ്രി​ക്ക​യി​ലു​മെ​ത്തി. ക​ണ്ണൂ​ർ ജി​ല്ല​യി​ലെ ആ​ല​ക്കോ​ട് സ്വ​ദേ​ശി ജോ​ഷി​യു​ടെ ആ​ഫ്രി​ക്ക​യി​ലെ കാ​മ​റൂ​ണി​ലു​ള്ള നൂ​റുക്കണ​ക്കി​ന് ഏ​ക്ര കൃ​ഷി​യി​ട​ത്തി​ലേ​ക്കാ​ണ് ക​ശു​മാ​വി​ന്റെ രാ​ജാ​വെ​ന്ന് ഖ്യാ​തി നേ​ടി​യ കാ​ഷ്യൂ​ കി​ങ് ക​ശു​മാ​വ് തൈ​ക​ൾ കൃ​ഷി​യി​റ​ക്കു​ന്ന​ത്. കേ​ള​കം അ​ട​ക്കാ​ത്തോ​ട്ടി​ലെ കൃ​ഷി വി​ദ​ഗ്ദ​നാ​യ പ​ടി​യ​ക്ക​ണ്ട​ത്തി​ൽ ജി​ജു ദീ​ർ​ഘ​കാ​ല​ത്തെ പ​രീ​ക്ഷ​ണ നി​രീ​ക്ഷ​ണ​ങ്ങ​ൾ​ക്കു ശേ​ഷം വി​ജ​യി​പ്പി​ച്ച ഇ​ന​മാ​ണ് കാ​ഷ്യൂ കി​ങ് എ​ന്ന പേ​രി​ൽ പ്ര​സി​ദ്ധ​മാ​യ​ത്.

സ്വ​ന്തം കൃ​ഷി​സ്ഥ​ല​ത്ത് ജി​ജു​വി​ന്റെ ക​ശു​മാ​വു​ക​ൾ താ​ങ്ങാ​വു​ന്ന​തി​ല​ധി​കം കാ​യ്ച്ച് നി​ൽ​ക്കു​ന്ന​ത് ക​ർ​ഷ​ക​ർ​ക്ക് വി​സ്മയ​മാ​കാ​റു​ണ്ട്. ഇ​പ്പോ​ൾ സൗ​ത്ത് ആ​ഫ്രി​ക്ക​യി​ലെ കാ​മ​റൂ​ണി​ലാ​ണ് പു​തു​താ​യി കാ​ഷ്യൂ​ കി​ങ് കശു​മാ​വ് കൃ​ഷി​ത്തോ​ട്ടം ഒ​രു​ക്കു​ന്ന​ത്. 25 വ​ർ​ഷ​മാ​യി ആ​ഫ്രി​ക്ക​യി​ലെ കാ​മ​റൂ​ണി​ൽ വൈ​വി​ധ്യ​കൃ​ഷി ന​ട​ത്തു​ന്ന ക​ർ​ഷ​ക​നാ​ണ് ആ​ല​ക്കോ​ട്ജോ​ഷി. കാ​മ​റൂ​ണി​ലെ ഇ​യാ​ളു​ടെ തോ​ട്ട​ത്തി​ൽ ക​ശു​മാ​വ് കൃ​ഷി​ക്കാ​യി ആ​യി​ര​ക്ക​ണ​ക്കി​ന് കാ​ഷ്യൂ കി​ങ് തൈ​ക​ൾ ഗ്രാ​ഫ്റ്റ് ചെ​യ്യു​ന്ന​തി​നാ​യി പ​ടി​യ​ക്ക​ണ്ട​ത്തി​ൽ ജി​ജു​വി​ന്റെ മേ​ൽ​നോ​ട്ട​ത്തി​ൽ കേ​ള​കം - അ​ട​ക്കാ​ത്തോ​ട്ടി​ൽ നി​ന്നും ക​വ​ള​മാ​ക്ക​ൽ മ​ജു തോ​മ​സ്, നെ​ല്ലി​ക്കു​ന്ന​ത്ത് ബി​ജു, കോ​ട്ട​യം സ്വ​ദേ​ശി ബി​ജു എ​ന്നി​വ​രു​ടെ നേ​തൃ​ത്വ​ത്തി​ൽ ത​ദ്ദേ​ശീ​യ​രു​ടെ സ​ഹ​ക​ര​ണ​ത്തോ​ടെ പ്ര​വൃ​ത്തി പു​രോ​ഗ​മി​ക്കു​ക​യാ​ണി​പ്പോ​ൾ. ആ​യി​ര​ക്ക​ണ​ക്കി​ന്കാ​ഷ്യൂ കിങ് തൈ​ക​ൾ കാ​മ​റൂ​ണി​ലെ ന​ഴ്സ​റി​ക​ളി​ൽ കൃ​ഷി​ക്കാ​യി ത​യാ​റാ​യി​ട്ടു​ണ്ട്.

കൃ​ഷി പ​ല​തും പ​രീ​ക്ഷി​ച്ച് പ​രാ​ജ​യ​പ്പെ​ട്ട ശേ​ഷ​മാ​ണ് സ്വ​ന്ത​മാ​യി ന​ട്ടു​വ​ള​ർ​ത്തി വി​ക​സി​പ്പി​ച്ചെ​ടു​ത്ത ക​ശു​മാ​വി​ന് കാ​ഷ്യൂ കി​ങ് എ​ന്ന​പേ​ര് ജി​ജു ന​ൽ​കി​യ​ത്. പു​തി​യ ഇ​നം വി​ജ​യി​ച്ച​തോ​ടെ​യാ​ണ് അ​ട​ക്കാ​ത്തോ​ട്ടി​ലെ പ​ടി​യ​ക്ക​ണ്ട​ത്തി​ൽ ജി​ജു​വി​ന്റെ കാ​ർ​ഷി​ക സ്വ​പ്ന​ങ്ങ​ൾ പൂ​വ​ണി​യു​ന്ന​ത്. ഏ​തു​പ്ര​തി​കൂ​ല കാ​ലാ​വ​സ്ഥ​യി​ലും നൂ​റ് മേ​നി വി​ള​ഞ്ഞ് വ​രു​മാ​നം ന​ൽ​കു​ന്ന കാ​ഷ്യൂ കി​ങ് ആ​ണ് ഇ​പ്പോ​ൾ ദ​ക്ഷി​ണാ​ഫ്രി​ക്ക​യി​ലും താ​ര​മാ​കു​ന്ന​ത്. കേ​ള​കം അ​ട​ക്കാ​ത്തോ​ട്ടി​ലെ ജി​ജു​വി​ന്റെ കാ​ഷ്യൂ കി​ങി​നെ തേ​ടി ക​ട​ൽ ക​ട​ന്നും ആ​ളു​ക​ളെ​ത്തു​ക​യാ​ണ്. കേ​ര​ള​ത്തി​ലെ എ​ല്ലാ ജി​ല്ല​ക​ളി​ലും വ്യാ​പി​ച്ച് സ​മൃ​ദ്ധ​മാ​യി വി​ള​യു​ന്ന കാ​ഷ്യു കി​ങ് മ​ഹാ​രാ​ഷ്ട്ര, ഗോ​വ, ക​ർ​ണാ​ട​ക തു​ട​ങ്ങി​യ സം​സ്ഥാ​ന​ങ്ങ​ളി​ലും കൃ​ഷി ചെ​യ്യു​ന്നു​ണ്ട്.

ത​മി​ഴ്നാ​ട്ടി​ലേ​ക്കും ക​ശു​മാ​വ് കൃ​ഷി വ്യാ​പി​പ്പി​ക്കു​ന്ന​തി​നാ​യി കാ​ഷ്യൂ കി​ങി​ന് ആ​വ​ശ്യ​ക്കാ​രെ​ത്തി​യ​താ​യി ജി​ജു പ​റ​ഞ്ഞു. ഗ്രാ​ഫ്റ്റ്ക​ശു​മാ​വ് തൈ​ക​ൾ​ക്ക് പു​റ​മെ വി​വി​ധ​യി​നം വി​ദേ​ശ ഫ​ല​വൃ​ക്ഷ​ങ്ങ​ളു​ടെ തൈ​ക​ൾ, മാ​വു​ക​ൾ പ്ലാ​വു​ക​ൾ, പേ​ര​ക​ൾ, ചാ​മ്പ​ക​ൾ തു​ട​ങ്ങി നി​ര​വ​ധി ഇ​ന​ങ്ങ​ളു​ടെ തൈ​ക​ളും ജി​ജു​വി​ന്റെ കൈ​ക​ളി​ൽ നി​ന്നു കൃ​ഷി​യി​ട​ങ്ങ​ളി​ലേ​ക്ക് പ​ക​ർ​ന്നെ​ത്തു​ന്ന​ത് വി​ജ​യ​ഗാ​ഥ​യു​ടെ തു​ട​ർ​ച്ച​യാ​യാ​ണ്.